各位blog友，大家好!
熱烈歡迎大家黎到「體路」呀~.~
2013年就已經過左10日了，唔知大家新一年又有D咩新既願望呢？
作為運動員，新年願望就一定係新賽季可以有好成績啦！而好成績，就當然係要透過日復日，年復年既訓練得黎啦！
訓練之餘，余翠翠既生活仲有好多好玩既野o既~
其中，我覺得最like既好玩野，就係……
「做電台」喇!
我想，大部分既人，細細個時，都會有幻想過做「DJ」，總覺得「DJ」這個職業很特別，就是聊聊天，吹吹水，輕輕鬆鬆就完成工作。小時候幾個小朋友玩RPG（角色扮演遊戲）時，總會玩過扮DJ掛。
到我真係有機會參與電台節目主持，才知道原來吹水都唔係易事！做節目前要準備資料，on air 時，又要識「執生」，講野又唔可以有dead air，仲要睇住個鐘做人（因為要去新聞），不過我覺得最難呢，都係點樣o係拍檔間「插咀」喇！
記得最初做節目時，講得最多既就係「唔!」點解？因為我覺得我成日都搵唔到適合既位講野咯……又唔想比聽眾覺得我地幾個主持爭野講咁……
我都要用左差不多半年左右既時間先搵到個默契同自己角色既定位。
而家每個星期六返電台主持節目，已經成為左我既習慣了！當每一次我同人介紹，我做電台節目時，都不禁咀角有點向上翹 @.@
無法啦~做電台啊！夢想黎架嘛！
逢星期六晚上七點到八點，香港電台第一台「十項全能」
記得捧場喇！