【體路專訊】「2014 AET賀歲盃」今日(3日)上演決賽日，賽前趁住未夠鐘到公民表演，中村祐人、法圖斯、謝德謙及黃耀富一眾公民球員就去到球隊紀念品檔攤幫手，更成功「開單」添！謝德謙表示「開場不久已經賣出5,60件紀念版球衣，成績算係唔錯」今日售出的賀歲盃版球衣特別繡上金字，本地波忠實球迷Danny同Ricky就即刻掏荷包買返件，仲分別估公民贏2:0，2:1，果然係香港fans！
除此以外，兩天「賀歲盃」賽事均有香港及日本球迷打鑼打鼓打氣，俄超球迷亦不讓日迷專美，今日到場力撐FC薩馬拉。「串燒三兄弟」(俄超版)之一的ALEX稱︰「我地三個都鐘意睇俄羅斯波，由國家隊到球會都睇。不過我捧莫斯科中央陸軍，另外兩位朋友就支持辛尼特。」半場時，IVAN同阿超就手持俄羅斯一早霸定靚位、持俄羅斯旗望取球星簽名，可惜無功而還，只好等待完場的機會。
另外，今日「天口慶」，主辦方亦十分識做，派發預先準備，印有「築福香港」字樣的橙色Cap帽。不論賣相，烈日當空下不少球迷都用來擋太陽，形成一片小橙海，提升燃熱氣氛。
圖、文：曾旻朗